带娃澳门暴走一日，MPay绑卡失败+莫义记只收现金，我差点原地裂开
各位老友，我深夜冲浪猫又来了。今次带住个四岁化骨龙去澳门暴走一日，本来以为MPay绑好内地卡就天下无敌，点知现实系会教你做人。
先说MPay绑卡这单嘢。 我出发前两晚喺屋企试绑，内地招行卡，一路填到短信验证码，卡住咗，收唔到code。试咗三次，灰晒。心谂住去到澳门再算啦，点知去到关闸，连咗当地Wi-Fi再试，一样收唔到。最后点解决？直接放弃MPay，全程现金+支付宝。好彩我醒，带咗一千蚊港纸散纸，不然真系企喺街头等运到。
跟住讲莫义记。 带娃去氹仔官也街，谂住买个大菜糕俾个仔食，排队排到身水身汗，点知收银阿姐一句「只收现金」，我前面个游客拎住个手机喺度揿，后面成条队等佢，真系火都嚟。好彩我散纸够，但呢个教训要讲三次：莫义记只收现金！莫义记只收现金！莫义记只收现金！ 唔好以为澳门周围都扫得，老店唔同你讲呢套。
带娃餐椅呢家嘢。 我出发前问过几间氹仔嘅亲子餐厅，有啲话有BB椅但唔一定有位，有啲直头冇。最后去咗氹仔旧城区一间茶记，叫「XX咖啡」，有儿童椅但得一张，好彩我哋早去。所以如果你带娃，真系要打电话问清楚，唔好信小红书啲相，影到有椅唔代表你去到有。
免费穿梭巴士。 我带娃首选都系酒店穿梭巴，唔使同人逼公共巴士。氹仔去银河、威尼斯人嗰啲线密到喊，但记住：问人+高德就够，唔好装一堆App。高德喺澳门数据唔准，试过叫我喺一个冇站嘅位等车，等咗十五分钟先发现个站搬咗。
巴士报站App。 我带娃坐公共巴士，用「巴士报站」App睇实时，但发现低地台车型成日乱报，明明系普通车又话低地台，搞到我推住BB车白等。所以呢个App信七成好喇，留三分问街坊。
带娃贴士总结：
- 现金一定要带，尤其散纸，莫义记、某啲老饼家只收现金。
- MPay绑内地卡唔一定得，短信认证靠运气，唔好当佢万能。
- 带娃揾餐椅，打电话问，唔好信网上照片。
- 穿梭巴士问人+高德，唔使装五个App，装咗都系占内存。
- 支付宝覆盖率比想象中高，但老店唔收就系唔收。
最后抛个问题俾大家：你哋带娃去澳门，有冇试过边间餐厅真系有BB椅又唔赶客？求店名，我下次唔想再盲舂舂。 留言区见，有图有真相嘅我请你饮奶茶（现金）。
