澳门公园饮水机实测：呢5个位有冻水有得斟，唔使成日买矿泉水

各位老友，我系深夜冲浪猫。

上次写免费Wi-Fi有吧友问：「猫哥，饮水机有冇实测？」今日就交功课。

讲真，游客喺澳门买支矿泉水闲闲哋8-12蚊，一日饮三支就够食个猪扒包。其实澳门公园同休憩区有免费饮水机，但位置隐蔽，水质同水温差好远。我今个礼拜踩咗7个点，得呢5个值得特登行过去。

1. 氹仔中央公园（近儿童游乐场入口）
出水冻到10度左右，两个出水口，一个直饮一个斟水。实测下午三点最冻，记得带空樽。

2. 白鸽巢公园（贾梅士铜像后面）
老牌饮水机，水温室温，但水压够，斟满500ml大约12秒。旁边有长椅，啱晒行完大三巴过嚟抖脚。

3. 松山市政公园（缆车落车行落斜路右手边）
呢个最惊喜，有冻水之余仲有得装气泡水？冇，讲笑。但水质明显甜啲，唔知系咪山泉水。不过要行一段斜路，懒人慎入。

4. 纪念孙中山市政公园（近泳池入口）
出水快，但水温偏暖，夏天下午去会有少少「噏」味。我建议朝早去装。

5. 黑沙环公园（近休憩区凉亭）
最新净部机，有UV杀菌灯，出水冻，而且个位有遮阴。唯一缺点系得一个出水口，周末要排两三个人。

踩雷位：

• 卢廉若公园个饮水机坏咗成个月，出水慢过滴眼药水。
• 二龙喉公园嗰部直情封咗胶袋，唔好行冤枉路。

结论： 游客唔使成日买水，带个空樽，行公园前装定就搞掂。记住冻水位通常喺游乐场或者泳池附近。

最后问句：你哋有冇试过喺澳门边度装水发现水质特别怪？我怀疑有啲公园水喉驳咗消防喉，想收集多啲样本先写下一期。留言区等你。